Joe Biden Bandaríkjaforseti biðlaði í dag til Bandaríkjaþings að vera harðari í aðgerðum sínum gegn stjórnendum föllnu bankanna.
Gjaldþrot Silicone Valley Bank og Signature Bank eru þau stærstu í bankakerfinu frá hruninu 2008 og hafa valdið áhyggjum í Bandaríkjunum og í Evrópu um að fleiri bankar muni hljóta sömu örlög á næstunni.
Í ávarpi sínu sagði hann mikilvægt að setja fordæmi um að enginn væri hafinn yfir lögin. „Þingið verður að bregðast við og beita harðari viðurlögum á stjórnendur bankanna, en það er vegna slæmra stjórnunarhátta þeirra, að stofnanirnar hafa fallið“.
Stjórn Bidens hefur haft hraðar hendur við að tryggja að gjaldþrotin tvö hafi ekki langvarandi áhrif á bankakerfi Bandaríkjanna og hafa stjórnvöld kallað á um hertari reglur til að tryggja betri stöðugleika í framtíðinni.
„Efling ábyrgðar er mikilvægur fælingarmáttur til að koma í veg slæma stjórnunarhætti sem þessa í framtíðinni,“ sagði Biden í yfirlýsingunni.
„ Það ætti að vera auðveldara fyrir eftirlitsaðila að beita stjórnendur refsiaðgerðum í tilfellum sem þessum, til dæmis með því að sekta þá, krefja um bætur og banna þeim að starfa aftur innan bankaiðnaðarins.“