Glundroði og óhirða í París
Setja bókamerki
Mótmæli vegna lagasetningar um hækkun eftirlaunaaldurs í Frakklandi hafa komið af stað miklu umróti á götum Parísar. Þórir Oddsson er búsettur í París en hann segir þrungið andrúmsloft í borginni.
Vísar hann þá sérstaklega til þess að vegna verkfalla starfsfólks sorphirðu séu ruslatunnur yfirfullar og sum stræti full af sorpi. Talið er að um tíu þúsund tonn af rusli standi á götum Parísar.
Mótmæli við þinghúsið bönnuð
Lögreglan í París tilkynnti í dag að bann hefði verið lagt við mótmælum á torginu Place de la Concorde og á svæðinu í grennd við Champs Elysees.
Með þessu sögðust löggæsluyfirvöld vera að bregðast við „raunverulegri ógn við allsherjarreglu“.
Mótmælin hófust þegar Emmanuel Macron, Frakklandsforesti, hækkaði eftirlaunaladur úr 62 árum í 64 án aðkomu franska þingsins.
Óeirðir í Lyon sömuleiðis
Málið hefur vakið úlfúð um gjörvallt Frakkland en í borginni Lyon voru 36 handteknir eftir að mótmælendur kveiktu í byggingum og gerðu tilraunir til húsbrots.
Ríkisstjórn Frakklands hefur lengi haldið því fram að breytingin sé nauðsynleg vegna breyttra lýðfræðilegra og efnahagslegra forsendna.
Eyjafjarðarbraut lokað vegna alvarlegs umferðarslyss
Árshátíð ríkislögreglustjóra haldin í Tékklandi
Skar höfuðleðrið af íslenskri konu
„Skýr skilaboð til Seðlabankans“
Skiptir miklu meira máli en fólk grunar
Verðbólgan komin niður í 6%
Vona að Orkustofnun veiti ekki virkjunarleyfi