Yfirvöld í Japan fyrirskipuðu íbúum á eyjunni Hokkaido, nyrstu eyju japanska eyjaklasans, að leita skjóls seint í kvöld að íslenskum tíma.

Búist var við að eldflaug frá Norður-Kóreu myndi þá lenda á eða við eyjuna innan nokkurra mínútna.

„Rýmið undir eins. Rýmið undir eins,“ sagði í tilkynningu ríkisstjórnarinnar, þar sem íbúum var einnig sagt að leita skjóls í byggingum eða neðanjarðar.

Uppfært:

Japanska landhelgisgæslan segir eldflaugina nú hafa hafnað í hafinu undan ströndum landsins.

Loftvarnaflautur ómuðu

Klukkan var um 8 að morgni að staðartíma í Japan, eða um 23 að kvöldi hér á Íslandi, þegar viðvörunin var send út.

Upptökur af loftvarnaflautum á eyjunni tóku í kjölfarið að berast.

Tengdar fréttir

Norður-Kórea

Zhao heimsækir Norður-Kóreu

• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu
• N-Kórea skaut í átt að suðurkóreskum eyjum

» Fleiri tengdar fréttir

• Blogga um frétt