Fá ekki að sjá ljósmyndirnar
Setja bókamerki
Ljósmyndarar á vegum umboðsskifstofunnar Backgrid eru sagðir hafa veitt Harry og Meghan stórhættulega eftirför í New York-borg á þriðjudag. Umboðsskrifstofan neitar að sýna hjónunum myndirnar sem teknar voru.
Frá þessu greinir Breska ríkisútvarpið en fyrr í vikunni var haft eftir talsmanni hjónanna að litlu hafi munað að illa færi á meðan hinni tveggja klukkustunda eftirför stóð.
Lögmaður Backgrid sagði ástæðu þess að umboðsskrifstofan sýni hjónunum ekki ljósmyndirnar að Bandaríkjamenn séu löngu búnir að afneita allri „konunglegri sérmeðferð“.
Frásögnin ýkt en virtust samt stressuð
Leigubílstjóri að nafni Sukhcharn Singh hafði keyrt hjónin stuttu eftir eltingarleikinn en hann sagði frásögn talsmanns hjónanna ýkta að einhverju leyti.
Singh hafði sótt hjónin eftir að þau höfðu falið sig inni á lögreglustöð. Þegar hann hafi reynt að keyra burt með hjónin stóðu ruslabílar í vegi þeirra og á svipstundu hafi hjörð ljósmyndara umkringt bílinn og byrjað að taka myndir.
„Þau virtust stressuð. Ég held að þau hafi verið elt allan daginn,“ sagði Singh við BBC.
Vélsleðaslys: Þyrlan kölluð út á mesta forgangi
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi
Banna mengandi búnað sem leyfður er á Íslandi
„Á réttri leið en nokkuð í land ennþá“
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss