Þýska lögreglan rannsakar nú hvort eitrað hafi verið fyrir Rússum sem hafa þurft að flýja heimalandið vegna ofsókna, eftir að blaðamaður og aðgerðarsinni greindu frá veikindum eftir fund stjórnarandstæðinga í Berlín.

Sérstök deild innan lögreglunnar, sem rannsakar meðal annars hryðjuverk, fer fyrir málinu. 

„Rannsókn er hafin og er í gangi,“ sagði talsmaður þýsku lögreglunnar við AFP-fréttaveituna en neitaði að veita frekari upplýsingar. 

Rússneski rannsóknarmiðilinn, Agentstvo, greindi frá því í þessari viku að tveir Rússar sem sóttu fundinn í lok apríl hafi upplifað heilsufarsvandamál í kjölfarið. 

Fyrrverandi ólígarkinn, Mikhail Khodorkovskí, stóð fyrir fundinum en hann hefur gagnrýnt stjórn Vladimírs Pútíns Rússlandsforseta. 

„Stingandi sársauki“ og „dofi“

Blaðamaðurinn, sem varð veikur í kjölfar fundarins, var nýkominn frá Rússlandi er hann sótti fundinn. Hann var fluttur á Charite-háskólasjúkrahúsið í Berlín þar sem stjórn­ar­and­stæðings­ins Al­ex­ei Navalní fékk aðhlynningu árið 2020 eftir að eitrað var fyrir honum. 

Hinn einstaklingurinn sem veiktist var Natalia Arno, sem stofnaði samtök sem berst fyrir frelsi Rússlands í Bandaríkjunum. Hún flúði Rússland fyrir tíu árum.

Arno greindi frá veikindunum á Facebook í vikunni og lýsti þeim sem „stingandi sársauka“ og „dofa“. Þá sagði hún að hún finni enn fyrir einkennum enn líði betur. 

Tengdar fréttir

Rússland

Aðstoðarvarnarmálaráðherra Rússa handtekinn

• Tveir létust í úkraínskri drónaárás í Rússlandi
• Tveir handteknir grunaðir um njósnir fyrir Kreml
• Krumlur Kremlar afhjúpast enn í Vín
• Eyðilögðu sex herflugvélar Rússa

» Fleiri tengdar fréttir

• Blogga um frétt