Telja Úkraínumenn hafa sprengt Nord Stream
Setja bókamerki
Þjóðverjar draga nú í efa að Rússar beri ábyrgð á skemmdum sem unnar voru á Nord Stream gaslínunni í Eystrasalti í september síðastliðnum. Tengsl Úkraínu við sprenginguna eru nú sögð til skoðunar.
Þessu greinir breska dagblaðið Times frá.
Í umfjölluninni kemur fram að nú sé talið ólíklegt að Rússar standi á bak við skemmdarverkin. Bendi gagnrýnisraddir á að það gæti varla verið Rússum í hag að vinna skemmdir á einhverju sem myndi gera áhrif þeirra í Evrópu ljós, ef á þau þyrfti að minna.
Greint er frá því að þýska alríkislögreglan telji nú að farþegar snekkju sem hafi verið bryggjuna hjá Christiansø, nærri staðnum sem sprengingin varð, beri ábyrgð á skemmdarverkinu.
Kenningin sé sú að tveir af þeim sex sem sagðir eru hafa verið um borð í snekkjunni séu frá Úkraínu og annar þeirra sé fyrrverandi hermaður.
Farþegarnir hafi fengið tvo kafara með sér í lið á snekkjunni og fengið þá til þess að koma sprengjum fyrir á sjötíu metra dýpi. Talið er þó að erfitt hefði verið að framkvæma slíka aðgerð á lítilli snekkju, án kafbátar.
Segjast ekki vera á kaldri slóð
29 nautgripir fundust dauðir
Bjarkey stendur við skammarbréf Svandísar
Ný staða uppi og óvissan meiri
Nauðgaði kærustu sinni og tók það upp
Almannavarnir auka viðbúnað
Unnu að fullum heillindum að kaupum á TM