Staðfestir sigur Erdogans
Setja bókamerki
Landskjörstjórn í Tyrklandi hefur staðfest að Recep Tayyip Erdogan vann forsetakosningarnar sem fram fóru þar í dag. Erdogan hafði þegar lýst yfir sigri.
Hlaut forsetinn 52,14% atkvæða í kosningunum en mótframbjóðandi hans Kemal Kilicdaroglu hlaut 47,86% atkvæða.
Kjörstjórn sagði 99,43% atkvæða vera talin og að útslitin myndu ekki breytast við talningu á þeim atkvæðum sem eftir standa.
Erdogan er 69 ára gamall og hefur setið á forsetastóli undanfarna tvo áratugi. Í dag tryggði hann sér forsetastólinn í fimm ár til viðbótar.
Vladimír Pútín, forseti Rússlands, óskaði félaga sínum Erdogan til hamingju í kvöld. Emmanuel Macron, forseti Frakklands, hefur einnig sent heillaóskir til kollega síns í gegnum Twitter. Sagði hann Tyrkland og Frakkland þurfa að fara í gegnum margar áskoranir saman, þar á meðal að tryggja frið í Evrópu.
„Á réttri leið en nokkuð í land ennþá“
Moses Hightower og Prins Póló gefa út eyjalag
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
„Okkur miðar í rétta átt“