Nova Kakhovka-stíflan í Kerson-héraði virðist hafa brostið fyrr í nótt. Er talið að hún hafi verið sprengd í loft upp, en ekki er vitað af hverjum á þessari stundu.

Rússneskir herbloggarar sökuðu Úkraínumenn fyrr í kvöld um að hafa sprengt upp stífluna, þar sem vatnið úr uppistöðulóni hennar muni frekar flæða yfir þær stöður sem Rússar hafi komið sér upp á austurbökkum Dnípró-fljótsins í Kerson-héraði.

Úkraínumenn saka á móti Rússa um að hafa sprengt stífluna til þess að hefta mögulegt strandhögg yfir fljótið. Þá muni vatnið úr stíflunni valda víðtækum flóðum sem helst muni bitna á óbreyttum úkraínskum borgurum á rússneska hernámssvæðinu.

Rússar sökuðu Úkraínumenn í október um að vera með í bígerð að sprengja upp stífluna, og þvertóku þá úkraínsk stjórnvöld fyrir það og sögðu ásökunina sýna að Rússar sjálfir hygðust sprengja stífluna í loft upp. 

Tengdar fréttir

Úkraína

Myndskeið: Segjast hafa skotið niður sprengjuflugvél

• Grunaður um að brugga Selenskí launráð
• Segjast hafa skotið niður langdræga sprengjuvél
• Átta létust í árásum Rússa í nótt
• Selenskí: Hefðum varist árásinni með betra loftvarnarkerfi

» Fleiri tengdar fréttir

• Blogga um frétt