Jevgení Prigósjín, yfirmaður málaliðahópsins Wagner, gerir enn lítið úr árangri rússneskra hersveita á vígvellinum í Úkraínu. Prigósjín sagði að fréttir frá rússneska hernum um að þeir hafi hrundið gagnárás Úkraínumanna vera „tóma óra“.
Slík ummæli koma lítið á óvart enda hefur Prigósjín verið mjög gagnrýninn á herstjórn Rússa. Varnarmálaráðuneyti Rússlands sagðist hafa fellt 1.500 úkraínska hermenn í suðurhluta Donetsk-héraðs. Stjórnvöld í Kænugarði hafa ekkert gefið út um þessar staðhæfingar, en Prigósjín telur þær stórlega ýktar.
Al Jazeera segir hann efast um að slíkt blóðbað hafi átt sér stað. Ef rússneski herinn sýndi slíka færni á vígvellinum þá „værum við búnir að eyða heiminum fimm sinnum“.