Tugir milljóna varaðir við mengun
Setja bókamerki
Tugir milljóna manna í Norður-Ameríku hafa verið varaðir við heilsuspillandi lofti vegna mikilla skógarelda í Kanada.
Mikill reykur barst frá stórum svæðum í kanadísku héruðunum Ontario og Quebec í gær á sama tíma og appelsínugul þoka hékk yfir stórum hluta norðausturhluta Bandaríkjanna.
Í sumum borgum, þar á meðal Toronto og New York, voru loftgæðin þau verstu í nokkurri borg í heiminum.
Mesti reykurinn kemur frá Quebec þar sem 160 skógareldar geisa.
Verstu frá upphafi
Kanadískir embættismenn segja útlit fyrir að skógareldarnir í landinu verði þeir verstu frá upphafi mælinga, að sögn BBC.
Sérfræðingar hafa bent á heitara og þurrara vor en venjulega sem ástæðuna fyrir eldunum. Búist er við því að þessar aðstæður verði áfram við lýði í sumar.
Umhverfisverndarstofnun Kanada birti sína stærstu viðvörun fyrir borgina Ottawa þegar kemur að loftgæðum og sagði mengunina „mjög hættulega” fyrir heilsu fólks.
Í Toronto og á nærliggjandi svæðum voru loftgæðin skilgreind sem hættuleg.
„Hvílir mikil leynd yfir þessu öllu“
Vona að Orkustofnun veiti ekki virkjunarleyfi
Skar höfuðleðrið af íslenskri konu
Verðbólgan komin niður í 6%
Tveir í bílnum sem lenti utan vegar
Æskuvinur Íslendings myrtur í Noregi
„Það þarf að vinna mikinn fjölda upp“
Árshátíð ríkislögreglustjóra haldin í Tékklandi