Fjármálaráðherra Frakklands hefur skyldað 75 stærstu matvælafyrirtækin þar í landi til þess að lækka verðið á matvörum sínum svo að lækkandi hrávöruverð skili sér til neytenda. Fari fyrirtækin á bak orða sinna hefur ráðherrann hótað fjárhagslegum refsiaðgerðum.

Í umfjöllun Reuters um málið kemur fram að fjármálaráðherrann, Bruno Le Marie hyggist einnig nefna og niðurlægja þau fyrirtæki sem ekki standi við skuldbindinguna. Stjórnvöld í Frakklandi séu orðin örg yfir verðinu sem sé að skila sér í matvörubúðir til neytenda þrátt fyrir að verð fyrir allskyns hrávöru hafi lækkað síðustu mánuði.

Jafnvel tíu prósent lækkun

Haft er eftir Le Marie þar sem hann segir fyrstu verðlækkanirnar geta farið að skila sér í byrjun júlímánaðar. Þá búist hann við því að lækkanirnar skili sér til dæmis í lægra verði á pasta, fuglakjöti og grænmetisolíu.

Telur hann að verðlækkun um tvö til jafnvel tíu prósent geti skilað sér til neytenda.

Verðbólgan í Frakklandi hefur ekki verið jafn lág í heilt ár en hún stendur í sex prósentum og er sögð hafa lækkað hraðar í maí en gert hafi verið ráð fyrir.

Á meðan að Frakkar hafa barist við hækkandi orku og matvöruverð og ekki eytt minna í mat síðan í mars 2009 jókst rekstrarhagnaður matvælafyrirtækja þar í landi um fimmtán prósent á milli fjórða ársfjórðungs síðasta árs og þess fyrsta á þessu ári.

Tengdar fréttir

Frakkland

Beint frá Íslandi í 250 fm franska hönnunarvillu

• 5 ódýr og fantaflott hótel í Evrópu
• Endurnefna flugvöll eftir Elísabetu drottningu
• Egill kom Írisi á óvart í borg ástarinnar
• Tveir menn fundust sofandi í Eiffel-turninum

» Fleiri tengdar fréttir

• Blogga um frétt