25 létust í rútuslysi í Perú, þar á meðal tvö börn

Rúta hrapaði af brún fjalls í suðaustanverðu Perú. 25 manns létust, þar á meðal tvö börn, samkvæmt yfirvöldum í landinu.

Slysið varð fyrir dagrenningu þegar rúta sem var á ferð milli tveggja bæja við Andesfjöll valt út af vegbrúninni og hrapaði niður 200 metra gil á Huancavelica-svæðinu, að sögn talsmanns lögreglu í Perú.

„Dauðsföllin eru 25 og 34 eru slasaðir,“ segir Jorge Chavez, varnarmálaráðherra Perú.

Dina Boluarte, forseti landsins, sendi samúðarkveðjur til fjölskyldna fórnarlamba slyssins.

Vegbrúnin sem rútan valt fram af. AFP

13 manns dóu í slysi á svipuðum slóðum í síðasta mánuði og fimm slösuðust alvarlega. Margt er um slys á vegum landsins, yfirleitt vegna hraðaksturs, slæmra ástanda á vegum og skorts á vegamerkingum. Alþjóðaheilbrigðismálastofnunin áætlar að um 4.414 hafi látist í bílslysum á vegum í Perú árið 2019, eða 13.6 á hverja 100.000 íbúa.

Björgunarsveitir mættu á vettvang. AFP

• Blogga um frétt