„Sex­tán eru látn­ir og tutt­ugu slasaðir eft­ir loft­árás á markað í úkraínsku borg­inni Kostjantínívka í Dó­netsk-héraði. Eitt barn er meðal hinna látnu.“

Þannig hljóðaði frétt á vef mbl.is 6. september, af einu mannskæðasta atvikinu í Úkraínu síðustu mánuði.

Nú, þegar fleiri kurl eru komin til grafar, er ljóst að fimmtán létust og fleiri en þrjátíu særðust.

Frétt af mbl.is

Sextán látnir eftir loftárás á markað í Úkraínu

Geta villst af leið fyrir margar sakir

En að sama skapi þykir sífellt ljósara að Rússar stóðu ekki að árásinni, heldur megi rekja harmleikinn til bilunar í eldflaugavarnakerfi Úkraínumanna.

Þetta sýna gögn sem dagblaðið New York Times hefur safnað saman og rýnt. Þar á meðal eru brot úr eldflauginni, myndir úr gervihnöttum, vitnisburðir sjónarvotta og færslur á samfélagsmiðlum.

Þykja þau gefa sterklega til kynna að það sem áður var talið árás hafi í raun verið sorglegt óhapp. Loftvarnasérfræðingar tjá blaðinu að eldflaugar á borð við þessa geti villst af leið fyrir margar sakir.

Óhappið varð á miðju átakasvæði. Herlið Rússa hafði látið sprengjum rigna á Kostjantínívka nóttina áður og vitni sögðu frá árás úkraínsks stórskotaliðs aðeins nokkrum mínútum áður en eldflaugin hafnaði á markaðinum.

Tengdar fréttir

Úkraína

Skutu niður 29 dróna og eitt flugskeyti

• Heimsótti færanlegt neyðarsjúkrahús
• Afríkuríki áhuga á að framleiða vopn fyrir Úkraínu
• Stóraukin framlög Rússa til varnarmála
• Rússland „í sambandi“ við Kúbu vegna mansalshrings

» Fleiri tengdar fréttir

• Blogga um frétt