Lögðu hald á um 400 apahauskúpur

Tollgæslan í Frakklandi tilkynnti í dag að hún hefði lagt hald á tæplega 400 höfuðkúpur af tegund prímata á aðeins sjö mánuðum. Dýrategundin er friðuð.

Tollverðir á Charles de Gaulle-flugvellinum í París stöðvuðu 392 sendingar á milli maí og desember í fyrra sem innihéldu höfuðkúpur af prímötum. Flestar sendingarnar komu frá Kamerún og voru á leið til Bandaríkjanna.

Einnig lögðu þeir hald á hundruð sendinga til viðbótar sem innihéldu bein og höfuðkúpur annarra tegunda. Engin sending var með merkingu um löglega sölu á friðuðum dýrategundum.

Næstum því jafn arðbært og að selja fólk

Gilbert Beltran, yfirmaður tollgsælunnar á flugvellinum, segir að smygl á friðuðum tegundum séu ein aðrbærustu ólöglegu viðskipti sem til eru, á eftir vopnum, eiturlyfjum og jú, fólki.

Segir hann að þessi „saurungslegu“ viðskipti framleiði um 8 til 20 milljarða evra á hverju ári.

Tollverðir urðu fyrst varir við höfuðkúpurnar í maí 2022, þegar sjö slíkar fundust í sendingu frá Afríku. Þá efldu þeir leitina og fundu tugi til viðbótar, flestar af stökkapaætt, en þeirri ætt tilheyra bavíaniar, simpansar, makakíapar og mandrílar.

Fremdardýrin seljast á fremur dýrt

Fabrice Gayet, sérfræðingur í dýrasmygli hjá tollgæslunni, segir að fremdardýrin séu yfirleitt veidd til matar en „salan á beinunum er hliðarverkefni“.

Hann segir að hauskúpur af smærri prímötum seljist á 30 til 50 evrur, stærri hauskúpur á 400-500 evrur og simpansar á 1.000 evrur. Einnig sé hægt að selja leifar af öðrum dýrategundum dýrum dómi, t.a.m. af eðlum, köttum, og ránfuglum.

Náttúruminjasafn Frakklands hefur fengið hauskúpurnar afhentar til frekari rannsóknar.

Hauskúpurnar voru 392 talsins. AFP

• Blogga um frétt