Að minnsta kosti einn er látinn eftir að Úkraínumenn gerðu flugskeytaárás á höfuðstöðvar rússneska sjóhersins í Svartahafi á Krímskaga, að sögn Rússa. 

Úkraínumenn hafa beint sjónum sínum að Krímskaga eftir innrás Rússa í Úkraínu. Árásum á svæði rússneska hersins á skaganum hefur fjölgað undanfarið, enda hafa Úkraínumenn heitið því að ná honum aftur á sitt vald eftir að Rússar innlimuðu hann árið 2014.

Frétt af mbl.is

Segja einn látinn eftir árás Úkraínumanna

„Ráðist hefur verið á höfuðstöðvar flotans með flugskeytaárás óvinarins,” sagði Mikhail Razvozhayev, ríkisstjóri Sevastopol, stærstu borgar Krímskaga, á samfélagsmiðli.

Hann bætti við að brak úr flugskeyti hefði fallið skammt frá leikhúsi og hvatti íbúa til að halda sig fjarri.

Í annarri færslu varaði hann við annarri loftárás og hvatti íbúa borgarinnra, sem eru um 500 þúsund talsins, til að halda sig innandyra.

Að sögn rússneska varnarmálaráðuneytisins lést einn í árásinni og voru fimm flugskeyti skotin niður af loftvarnakerfum.

Árásum Úkraínumanna og Rússa í og í kringum Svartahaf hefur fjölgað eftir að Rússar drógu sig út úr samkomulagi sem tryggði örugga för almennra flutningaskipa frá þremur úkraínskum höfnum.

Tengdar fréttir

Úkraína

Stuðningur við Úkraínu gæti þurrkast út

• Undirhershöfðingi Rússa lætur lífið
• Skutu niður 18 dróna
• Saka Rússa um aftöku hermanna sem gáfust upp
• Rússar kveðast í sókn á öllum vígstöðvum

» Fleiri tengdar fréttir

• Blogga um frétt