Lýsa árásinni á hendur sér
Gervihnattamynd frá því í september af höfninni í Sevastopol.
AFP
Setja bókamerki
Úkraínumenn hafa lýst flugskeytaárásinni á hendur sér, sem var gerð á höfuðstöðvar rússneska hersins í Svartahafi á Krímskaga í morgun.
Einn fórst og eldur kviknaði á svæðinu.
„Um klukkan 12:00 [9 að íslenskum tíma] gerði úkraínski herinn vel heppnaða árás á höfuðstöðvar rússneska sjóhersins í Svartahafi í Sevastopol sem hefur tímabundið verið hernumin,” sagði í tilkynningu frá úkraínska hernum á Telegram.
Úkraínuher hefur í auknum mæli beint sjónum sínum að Svartahafsflota Rússa í borginni Sevastopol. Úkraínumenn hafa heitið því að ná Krímskaga aftur á sitt vald eftir að Rússar innlimuðu hann árið 2014.
