„Ég hafði ekki hugmynd um hvað var að gerast“

Aurskriða féll á hraðbrautina E6 norðan við Gauta­borg á milli klukkan eitt og tvö í nótt og olli gríðarlegum skemmdum. Lögregla biðlar til almennings að halda sig fjarri svæðinu vegna hættu á fleiri skriðuföllum.

Þetta kom fram á upplýsingafundi sænsku lögreglunnar en hún rannsakar nú hvort spreng­ing­ar á bygg­ing­ar­svæði nærri hafi leitt til skriðufallsins. 

Tíu bílar voru á hraðbrautinni er aurskriðan féll og voru þrír fluttir á sjúkrahús. Enginn slasaðist alvarlega. Þá urðu miklar skemmdir á bílastæði bensínstöðvar og þak veitingastaðar Burger King féll saman. Engin merki er um að eldsneyti hafi lekið frá bensínstöðinni. 

Frétt af mbl.is

Skoða hvort sprengingar tengist jarðsiginu

Kviksandur á svæðinu

„Ég hafði ekki hugmynd um hvað var að gerast,“ sagði Uladzislau Miklash vörubílstjóri í samtali við P4 Vast radio. Hann var sofandi í bíl sínum er bifreiðin byrjaði að renna til. 

E6 er nú lokað á milli Stenungsund og Ljungskile og er óljóst hversu langan tíma viðgerðir munu taka, en þó er ljóst að um sé að ræða marga mánuði. Á hverjum degi aka um tíu þúsund ökutæki um hraðbrautina sem er mikilvæg umferð í Bohuslän-héraðinu og til Suður-Noregs. 

Að sögn sérfræðinga er mikið um kviksand á svæðinu og því getur leir hreyfist til við rigningu eða titring.

Lögregla biðlar til almennings að halda sig fjarri svæðinu vegna hættu á fleiri skriðuföllum. AFP/Adam Ishe/ TT News Agency

• Blogga um frétt