Sameinuðu þjóðirnar hafa kallað eftir hraðari afkolefnisvæðingu flutninga- og farþegaskipa heimsins. Verðmiðinn gæti farið yfir 100 milljarða dollara á ári.

Viðskipta- og þróunarstofnun Sameinuðu þjóðanna, UNCTAD, bendir á mikilvægi þessa skipaflota í heiminum í dag. Yfir 80 prósent alls varnings sem verslað er með eru flutt sjóleiðis.

Á sama tíma nemur útblástur skipanna næstum þremur prósentum af öllum útblæstri gróðurhúsalofttegunda í heiminum.

20% aukning

Þrátt fyrir aukinn þrýsting á fyrirtæki um að draga úr kolefnisfótsporum sínum hefur útblástur frá skipum aukist um 20 prósent síðasta áratuginn.

„Við köllum eftir viðbrögðum á alþjóðavísu um að afkolefnisvæða flutninga- og farþegaskip,” sagði yfirmaður UNCTAD, Rebeca Grynspan.

Stofnunin leggur áherslu á hraða breytingu í átt að hreinna eldsneyti.

Tengdar fréttir

Loftslagsvá

Gestgjafinn að kafna í eigin mengun

• Forseti COP28 sagður afneita hlýnun jarðar
• „Raunverulegu samningaviðræðurnar“ að hefjast
• Vilji til aðgerða á COP28
• Áætla að 92 þúsund taki þátt í COP28

» Fleiri tengdar fréttir

• Blogga um frétt