Tvær sprengingar urðu í Huddinge og Hässelby í útjaðri Stokkhólms, höfuðborgar Svíþjóðar, í nótt.

„Ég var vakandi og að horfa á sjónvarpið þegar ég heyrði hvell og allt húsið mitt skalf,” sagði íbúi í bænum Hässelby.

Í raðhúsinu þar sem sprengingin varð býr maður sem er sagður aðhyllast nasisma sem var handtekinn í gær, grunaður um morð í hverfinu Jordbro, að sögn Aftonbladet, en mikil óöld hefur ríkt í Svíþjóð að undanförnu. 

Mikill eldur hefur logað í húsinu í morgun og hefur hann breiðst út til nærliggjandi raðhúsa.

Öll húsin hafa verið rýmd og enginn slasaðist. Sprengingin varð klukkan 6.30 að staðartíma, eða klukkan 4.30 að íslenskum tíma.

Rannsókn stendur yfir 

Sprengingin í Huddinge, suður af Stokkhólmi, varð klukkan 4 í nótt að staðartíma. Engan sakaði, að sögn lögreglunnar. Skemmdir eru á þaki og gluggum hússins, auk þess sem hurð fór af við sprenginguna.

Mats Eriksson hjá sænsku lögreglunni segir rannsókn standa yfir á því hvort sprengingarnar tvær tengjast.

Tengdar fréttir

Óöld í Svíþjóð

16 ára piltur grunaður um morðin

• Einn í haldi eftir skotárásina
• Blaðamaður mbl.is: Óvenjuleg árás um hábjartan dag
• Þrír látnir í skotárás í Uppsölum
• Skotárás á fjölbýlishús

» Fleiri tengdar fréttir

• Blogga um frétt