Tannlæknir ákærður fyrir manndráp

Sjúklingurinn fór í hjartastopp daginn eftir tannígræðsluna og lést.
Sjúklingurinn fór í hjartastopp daginn eftir tannígræðsluna og lést. mbl.is/Eggert Jóhannesson

Breskur tannlæknir hefur verið ákærður fyrir manndráp vegna andláts 68 ára gamals sjúklings sem undirgekkst tannígræðslu hjá honum 3. júlí árið 2023 í Frakklandi.

Tannlækninum var óheimilt að starfa í Bretlandi að sögn saksóknara og fluttist þess vegna til Frakklands til að starfa. Honum er bannað að stunda tannlækningar í Frakklandi eftir að málið kom upp og er í farbanni.

Ellilífeyrisþegi í heimsókn til barna sinna

Sjúklingurinn lést daginn eftir aðgerðina úr hjartastoppi á sjúkrahúsi í Bordeaux. Hann var ellilífeyrisþegi sem ákvað að fara í aðgerðina á meðan hann heimsótti börnin sín sem búa í Gironde í Frakklandi.

Auk tannlæknisins hefur annar tannlæknir og aðstoðarmaður þeirra beggja verið ákærðir fyrir að hafa ekki aðstoðað sjúklinginn. Þeir eru jafnframt í farbanni.

mbl.is
Fleira áhugavert
Fleira áhugavert