Þrír göngugarpar látið lífið síðustu vikur

Þrír hafa látið lífið.
Þrír hafa látið lífið. AFP/Jim Watson

Á síðustu þremur vikum hafa þrír göngugarpar látið lífið í Miklagljúfursþjóðgarðinum (e. Grand Canyon National Park) sem er staðsettur í Arizona-ríki í Bandaríkjunum. 

Bandaríska fréttveitan ABC News greinir frá.

Mikill hiti á svæðinu

Á sunnudag fannst 50 ára gamall karlmaður látinn í garðinum. Nærstaddir hófu endurlífgunartilraunir en þær báru ekki árangur.

Hinir tveir göngugarparnir sem létu lífið í þjóðgarðinum fundust 1. júlí og 16. júní. Þeir voru 69 ára og 41 árs.

Varað hefur verið við miklum hita í þjóðgarðinum. Í síðustu viku var varað við því að hitinn gæti farið yfir 49 gráður. Ekki er ráðlagt að vera á göngu þegar svo heitt er úti. 

mbl.is
Fleira áhugavert
Fleira áhugavert