Eiginmaður Harris axlar ábyrgð á framhjáhaldi
Setja bókamerki
Doug Emhoff, eiginmaður Kamölu Harris varaforseta Bandaríkjanna, axlar fulla ábyrgð á því að hafa haldið fram hjá barnsmóður sinni úr fyrra hjónabandi með konu sem var barnapía barnanna þeirra.
Daily Mail greindi frá því á laugardaginn að Emhoff hafi haldið fram hjá fyrrverandi eiginkonu sinni og barnsmóður, Kerstin Emhoff, með Najen Naylor.
Saman eiga Kerstin og Emhoff tvö börn og var Naylor barnapían þeirra og kenndi einnig við sama skóla og börnin gengu í.
Sambandinu lauk mörgum árum áður en Emhoff byrjaði með Harris, en þau giftust árið 2014.
Gengu í gegnum erfiða tíma
„Í mínu fyrsta hjónabandi fórum við Kerstin saman í gegnum erfiða tíma vegna gjörða minna. Ég axlaði ábyrgð og á þeim árum sem liðin eru höfum við unnið í hlutunum sem fjölskylda og komið sterkari út úr þessu,“ sagði Emhoff í yfirlýsingu til CNN.
Daily Mail greindi frá því að konan hefði orðið ófrísk og að samkvæmt náinni vinkonu hennar hafi hún „ekki haldið barninu“. Naylor hefur hvorki svarað fyrirspurnum CNN né Daily Mail.
Doug Emhoff hefur lengi séð eftir gjörðum sínum og var meðvitaður um að þær gætu orðið opinberar, segir heimildarmaður CNN sem er kunnugur Emhoff.
Vildi tryggja öryggi sonarins í Helgafellsskóla
Feðginin áttu í eðlilegum samskiptum
Sex ára með hníf: Móðir gagnrýnir skóla harðlega
Guðmundur bað um að brottvísun Yazans yrði stöðvuð
Trump virðist hafa verið sýnt banatilræði
Yazan á leið upp á spítala aftur
12 manndráp á tveimur árum
Yazan vakinn á spítala og á leið úr landi