Finnar og Svíar taka ekki á móti særðum frá Gasa
Setja bókamerki
Finnsk og sænsk stjórnvöld munu ekki taka á móti sjúklingum frá Gasa þrátt fyrir beiðni um slíkt frá framkvæmdastjórn Evrópusambandsins (ESB).
Finnski ríkismiðillinn YLE greinir frá.
Félags- og heilbrigðisráðuneyti Finnlands segir að ákvörðun hafi verið tekin um að taka ekki á móti særðum frá Gasa vegna þess að Finnland hafi hvorki burði né bolmagn til þess.
Finnland mun þess í stað að einbeita sér að því að hjálpa Úkraínumönnum, að er kemur fram í frétt YLE.
Flest ríki ESB ekki samþykkt beiðnina
Sænsk stjórnvöld hafa hafnað því að taka á móti sjúklingum frá Gasa en munu þess í stað veita áframhaldandi mannúðarstuðning.
Framkvæmdastjórn bað í maí aðildarríki um að taka á móti særðu fólki frá Gasa. Af 27 aðildarríkjum hafa sjö ESB-lönd tilkynnt að þau muni taka við sjúklingum þaðan.
Eru það Spánn, Belgía, Ítalía, Lúxemborg, Malta, Rúmenía og Slóvakía. Noregur hefur einnig skuldbundið sig til að taka við 20 sjúklingum.
Gengur óttalaus til kjósenda
Alvarlegt vinnuslys í Stykkishólmi
Áslaug: „Ég er stolt“
Fyndnasta sem ég veit er gömul kerling með veski!
Halla gefi sér tíma til að ræða við formenn flokka
Engin ummerki um hvítabirni