Alþjóðaheilbrigðismálastofnunin (WHO) segir að fjögur börn hefðu verið meðal sex einstaklinga sem særðust í loftárás á heilsugæslustöð í norðurhluta Gasa í dag þar sem bólusetningar við mænusótt eru um þessar mundir framkvæmdar.

WHO hóf í dag að nýju aðra bólusetningarlotu í norðurhluta Gasa eftir að hafa neyðst til að fresta henni vegna sprengjuárása Ísraela.

Tedros Adhanom Ghebreyesus, framkvæmdastjóri WHO. AFP

Tedros Adhanom Ghebreyesus, framkvæmdastjóri WHO, segir að heilsugæslan sé á svæði þar sem samþykkt hafi verið að gera mannúðarhlé í stríðinu til að geta bólusett fólk.

Hann gaf ekki upp hver hafi staðið að árásinni en Ísraelar hafna ásökunum um að dróni frá þeim hafi skotið flugskeytum á heilsugæsluna.

Tengdar fréttir

Ísrael/Palestína

Gengu fyrir fréttamenn á Gasa

• Amnesty saka Ísrael um hópmorð á Palestínubúum
• Segjast hafa sótt lík gísls á Gasa
• Yfir fjögur þúsund fallið í Líbanon
• „Heimurinn logar“

» Fleiri tengdar fréttir

• Blogga um frétt