Kona á fimmtugsaldri fannst látin í íbúð á Linero svæðinu í Lundi í Svíþjóð í morgun. Áverkar á líki konunnar benda til þess að hún hafi verið beitt ofbeldi og hefur lögreglan hafið morðrannsókn.

Í frétt á vef sænska ríkisútvarpsins fékk lögreglan tilkynningu um atvikið klukkan 11.15. Að sögn lögreglu átti glæpurinn líklega sér stað skömmu áður en lögregla kom á vettvang.

„Hún er með slíka áverka að okkur grunar að hún hafi verið fórnarlamb glæps“, segir Evelina Olsson, talsmaður lögreglunnar.

Aðstandendur konunnar hafa verið látnir vita og hefur lögreglan hafið frumrannsókn á morðinu. Enginn er grunaður eins og er.

Tengdar fréttir

Óöld í Svíþjóð

Manndráp orðin pöntunarvara

• 14 ára piltur grunaður um skotárásir
• Ákærður fyrir að myrða tvö börn sín
• Tveir nemendur stungnir með hnífi og skólanum lokað
• Ákærðir fyrir háskalegar árásir

» Fleiri tengdar fréttir

• Blogga um frétt