Telja manninn hafa ekið viljandi á fólkið

Ríkisstjóri Bæjaralands, Markus Söder, segir útlit fyrir að manneskjan sem ók bíl á mannfjölda í München í morgun hafi gert það viljandi.

„Ég verð að segja að þetta lítur út fyrir að hafa verið árás,“ segir Söder við blaðamenn.

Ökumaðurinn var 24 ára hælisleitandi frá Afganistan.

Frétt af mbl.is

Börn á meðal þeirra slösuðu

Hátt í 30 særðir

Minnst 28 særðust í árásinni, þar á meðal börn.

Sumir eru alvarlega særðir og einhverjir eru með lífshættulega áverka. Engin dauðsföll hafa þó verið staðfest.

Ökumaðurinn var handtekinn á vettvangi og segir talsmaður lögreglunnar að engin frekari ógn stafi af honum.

Olaf Scholz, kanslari Þýskalands, harmar árásina. Segir hann að árásarmanninum verði refsað og að honum verði gert að yfirgefa landið.

• 1 blogg um fréttina

Bloggað um fréttina

• Jóhann Elíasson: ÞAÐ ER ENGINN VAFI UM AÐ ÞETTA VAR EKKERT "ÓVILJAVERK"........