Mæðgur létu lífið eftir árásina í München

Tveggja ára stúlka og móðir hennar létust af sárum sínum í dag eftir að hafa orðið fyrir bíl í München í Þýskalandi á fimmtudag. Eru þetta fyrstu fórnarlömb ákeyrslunnar, sem hefur vakið mikinn ugg í Þýskalandi.

Á fimmtudag ók maður bif­reið inn í hóp fólks í München. Þar særðust 39 manns, þar á meðal börn, og eru nokkr­ir al­var­lega særðir.

Ökumaður­inn var hand­tek­inn á vett­vangi og skömmu seinna var greint frá því að um 24 ára gaml­an karl­mann frá Af­gan­ist­an væri að ræða.

Lögreglan í Bæjarlandi hefur nú upplýst fjölmiðla um að tveggja ára barn og 37 ára kona, mæðgur, hafi látið lífið í árásinni. 

„Því miður verðum við að staðfesta andlát tveggja í dag; tveggja ára barns og 37 ára móður hennar,“ segir Ludwig Waldinger við AFP.

Yfirvöld telja að maðurinn sem ók bílnum á fólkið hafi gert það vilj­andi.

• 1 blogg um fréttina

Bloggað um fréttina

• Ómar Geirsson: Múslimi drap fólk.