600 þúsund dollara alríkisstyrkur til að rannsaka tíðarvörur var felldur niður eftir að hann var ranglega eyrnamerktur sem rannsókn á tíðahring trans fólks. 

Styrkurinn sem um ræðir var veittur háskóla í Louisiana.

Brooke Rollins landbúnaðarráðherra felldi styrkinn niður í mars og sagði hann ranglega vera styrk til þess að rannsaka „tíðahring trans karla“. 

Elon Musk fer fyr­ir sér­stakri stofn­un sem hef­ur það verk­efni að hagræða í rík­is­rekstri (DOGE). DOGE básúnaði síðan tilkynningu Rollins á vefsíðu sinni og samfélagsmiðlinum X. 

Frétt af mbl.is

Krefur stofnun Musks um upplýsingar

Reiði yfir því að ríkið væri að styrkja slíkt verkefni varð svo mikil á internetinu að Sammi Kennedy, prófessorinn sem leiddi verkefnið, var farin að óttast um öryggi sitt. 

„Mikill missir fyrir konur“

Verkefnið, sem ber heitið „Project Farm to Feminine Hygiene“, átti að kanna möguleikana á að framleiða tíðavörur úr náttúrulegum efnum. Þá fól verkefnið einnig í sér fræðslu fyrir konur og stúlkur um tíðahringinn.

Í bréfi til Clay Higgins, þingmanns Louisiana, óskaði Sharon Donnan eftir því að misskilningurinn yrði leiðréttur og að styrkurinn yrði áfram veittur. Donnan er ein af stofnendum Acadian Brown Cotton, fyrirtækis sem hefur framleitt bómull sem hefur verið nýtt til rannsókna háskólans. 

„Þetta er mikill missir fyrir konur,“ sagði Donnan við AFP.

„Þetta gerir mig svo reiða að mig langar að blóta.“

„Ekki rannsókn á tíðahringnum“

Orðið „trans“ er ritað einu sinni í styrkjaumsókninni fyrir verkefnið þar sem segir að trans karlar hafi sumir tíðir.

Háskólinn sagði í yfirlýsingu að verkefnið væri „ekki rannsókn á tíðahringnum“. Háskólinn neitaði AFP-fréttaveitunni um viðtal. 

Bakslag hefur orðið í réttindum trans fólks eftir að Trump tók við embætti í byrjun árs.

Bannaði hann meðal ann­ars trans kon­um að taka þátt í íþrótt­um kvenna auk þess sem hann und­ir­ritaði til­skip­un þess efn­is að alríkið viðurkenndi einungis tvö kyn og að í banda­ríska hern­um yrði ekki leng­ur stuðst við það sem for­set­inn vís­ar til sem „trans-hug­mynda­fræði“.  

Frétt af mbl.is

Mótmæla forsetatilskipunum Trumps

Tengdar fréttir

Réttindabarátta hinsegin fólks

Ferðin til Bandaríkjanna „ekki áhættunnar virði“

• „Það er ekki ein töfralausn“
• Andleg og líkamleg heilsa verri en annarra
• Kynsegin fólk líklegra til að upplifa ofbeldi
• Kynhlutlausa táknið gæti fæðst á Íslandi

» Fleiri tengdar fréttir

Donald Trump Bandaríkjaforseti

Útgöngubann áfram í Los Angeles

• Reiðubúnir að halda sameiginlegar heræfingar
• Efndi til umfangsmikillar hersýningar
• Aðgerðir Trumps í LA: Bandaríska þjóðin klofin
• Vilja „enga konunga“ í Bandaríkjunum

» Fleiri tengdar fréttir

• Blogga um frétt