Hamas-samtökin hafa birt myndband sem sýnir ísraelsk-bandarískan gísl á lífi, þar sem hann gagnrýnir Benjamín Netanjahú, forsætisráðherra Ísraels, og ísraelsku ríkisstjórnina fyrir að hafa ekki tryggt lausn hans..

Búið er að auðkenna manninn sem Edan Alexander. Hann var hermaður í sérsveit fótgönguliða á landamærum Gasa þegar honum var rænt af Hamas er samtökin gerðu árás á Ísrael þann 7. október 2023.

Varð 21 árs í haldi Hamas

Ekki er vitað nákvæmlega hvenær þriggja mínútna myndbandið er tekið upp, en það sýnir Alexander sitjandi í litlu, lokuðu rými.

Þar segist hann vilja snúa aftur heim til að fagna páskahátíð gyðinga, sem hófst í dag, en á hátíðinni er minnst frelsunar Ísraelsmanna úr þrældómi gyðinga.

Alexander, sem varð 21 árs í haldi Hamas, fæddist í Tel Aviv en ólst upp í New Jersey í Bandaríkjunum. Hann sneri aftur til Ísraels eftir framhaldsskóla til að ganga í herinn.

Í yfirlýsingu frá fjölskyldu Alexanders segir að páskahátíðin sé ekki hátíð frelsis á meðan Alexander og aðrir gíslar eru í haldi Hamas.

Tengdar fréttir

Ísrael/Palestína

Leyfa flutning ungbarnamatar á Gasa

• Heimila „grunnmagn“ matvæla til Gasa
• Árás yfirvofandi: Leitið skjóls
• „Stórfelldur landhernaður“ hafinn á Gasa
• Beitir óvenjulegum leiðum til að tryggja frið

» Fleiri tengdar fréttir

• Blogga um frétt