Sex ára fangelsi vegna umfjöllunar um Navalní
Setja bókamerki
Tengdar fréttir
Rússland
Fjórir blaðamenn sem fjölluðu ítarlega um Alexei Navalní, helsta andstæðing Vladimírs Pútíns Rússlandsforseta, hafa verið dæmdir í tæplega sex ára fangelsi.
Navalní lést í fanganýlendu fyrir norðan heimskautsbaug í febrúar á síðasta ári en þar var hann að afplána nítján ára fangelsisdóm.
Blaðamennirnir fjórir sem voru sakfelldir eru sagðir hafa tengst Navalní og segja rússnesk stjórnvöld að þeir hafi tengst „öfgahópi“. Höfðu þeir allir starfað við blaðamennsku á alþjóðlegum miðlum líkt og Reuters og Associated Press.
Tók viðtal tveimur dögum fyrir andlátið
Ein þeirra sakfelldu heitir Antonía Kravtsova en hún hafði fjallað ítarlega um mál Navalnís í tvö ár áður en hann lést. Hún tók viðtal við Navalní í gegnum fjarfundabúnað aðeins tveimur dögum áður en hann lést.
Tveir aðrir blaðamenn, Konstanín Gabov og Sergei Karelín, eru sagðir hafa unnið við myndbandsgerð fyrir samfélagsmiðla Navalnís.
Mikil mótmæli voru fyrir utan dómshúsið í Moskvu í dag þar sem dómurinn var kveðinn upp. Réttarhöldin fóru fram fyrir lokuðum dyrum.
Eftir að dómurinn var kveðinn upp sendu fjórmenningarnir frá sér yfirlýsingu sem var birt í sjálfstæðum fjölmiðlum í Rússlandi. Lýstu þeir áhyggjum af fjölmiðlafrelsinu í Rússlandi.
Tengdar fréttir
Rússland
Áfram út um glugga þar sem alvarlegt slys varð
Ræða áhrif geimskota á íslenskt yfirráðasvæði
Fyrir hvern er það gott?
/frimg/1/56/17/1561745.jpg)
Segir alla þurfa að taka ábyrgð á fjölbreytileika
„Enginn skilur hvað eigi að taka við“
Hæstiréttur viðurkennir mistök: Fóru ekki yfir gögn
Börn keyrð á milli staða til að fremja afbrot
Kristján segir Guðrúnu krata inn við beinið