Lögsækir Maine vegna ágreinings við ríkisstjórann
Setja bókamerki
Ríkisstjórn Donalds Trumps Bandaríkjaforseta hefur höfðað mál gegn Maine-ríki þar sem ríkið hefur ekki framfylgt forsetatilskipun um að banna þátttöku trans kvenna í kvennaflokki í íþróttum.
Pam Bondi, dómsmálaráðherra Bandaríkjanna, segir að ráðuneytið bregðist við þar sem það muni ekki sitja hjá „þegar konur verða fyrir mismunun í íþróttum“. Hún segir að tilskipunin sé til þess fallin að vernda öryggi ungra kvenna.
Janet Mills, ríkisstjóri Maine, er hins vegar ekki á sömu blaðsíðu og ráðherrann. Hún segir að tilskipunin hafi aldrei snúist um vernd stúlkna og sakar ríkisstjórnina um að „þvinga vilja sinn“ upp á ríki Bandaríkjanna.
„Við sjáumst fyrir dómi“
Alríkisstjórnin og ríkisstjóri Maine hafa eldað grátt silfur um tíma.
Á blaðamannafundi bandarískra ríkisstjóra í febrúar tókust Trump og Mills á um bann trans kvenna í kvennaíþróttum.
Hótaði Trump að skera niður fjárveitingar til ríkisins færi Maine ekki eftir forsetatilskipun hans.
„Við sjáumst fyrir dómi,“ svaraði Mills forsetanum.
Drapst af völdum hitaslags
Beitir óvenjulegum leiðum til að tryggja frið
Lausar lóðir í þjóðlendunum
Boðar tafarlausar vopnahlésviðræður
Tali íslensku til að fá starfsleyfi
Hopp-hjólin fara hálfa leið um hnöttinn á dag
Hart tekist á um ástæðu húsnæðisvandans