Tveir látnir í skotárás í Flórída

Tveir eru látnir og fimm særðir eftir skotárás í Ríkisháskóla Flórída (FSU) í Tallahassee í Bandaríkjunum. Byssumaðurinn er á meðal þeirra særðu. 

Greint var frá skotárásinni fyrr í dag, en þá hafði lögreglan í Tallahassee girt háskólasvæðið af og leitaði byssumannsins. CNN greinir frá.

Byssumaðurinn er tvítugur að aldri og heitir Phoenix Inker. Er hann sonur lögreglumanns í Leon-sýslu að sögn Walters A. McNeils, lögreglustjórans í Leon-sýslu.

Inker hóf að skjóta úr byssu sinni á aðalsvæði háskólans kl. 11.50 að staðartíma. Skaut hann á hóp nemenda á svæðinu. Lögreglan á háskólasvæðinu brást strax við, stöðvaði árásina og tók hann höndum. 

Var Inker fluttur á sjúkrahús í kjölfarið.

Frétt af mbl.is

Skotárás í háskóla í Flórída

• Blogga um frétt