Lögreglan í Pakistan hefur handtekið um 40 manns í kjölfar óeirða fyrir utan matsölustaði KFC í landinu. Einn hefur látið lífið í óeirðunum. 

BBC greinir frá því að mótmælendurnir séu hliðhollir Palestínumönnum. Þeir krefjast sniðgöngu KFC þar sem þeir telja skyndibitakeðjuna vera táknmynd Bandaríkjanna og bandalagsþjóðar þeirra, Ísrael. 

Myndskeið á samfélagsmiðlum sýna mótmælendur vopnaða járnstöngum fara inn á matsölustaðina og hóta að kveikja í. Svo varð raunin á tveimur stöðum í borginni Karachi. 

Sá sem lést var 45 ára gamall starfsmaður KFC. Hann var skotinn í óeirðum í borginni Sheikupura fyrir nokkrum dögum. 

Að sögn lögreglu var maðurinn að störfum í eldhúsi KFC er hann var skotinn í öxlina.

Árásarmaðurinn hefur ekki verið handtekinn. 

Tengdar fréttir

Ísrael/Palestína

Hafa „líklega drepið“ leiðtoga Hamas

• Eno gagnrýnir Microsoft harðlega
• Fordæma viðvörunarskot Ísraela og krefjast rannsóknar
• Herinn skaut að stjórnarerindrekum
• Metár hjá Rapyd þrátt fyrir sniðgöngu

» Fleiri tengdar fréttir

• Blogga um frétt