Tveir Bretar létust í kláfsslysinu

Tveir Bretar voru á meðal fjögurra sem létust er kláfur féll til jarðar nærri Napólí á Ítalíu í gær. 

Kláf­urinn féll til jarðar í hlíðum Fatio-fjalls eftir að lína slitnaði.

Frétt af mbl.is

Kláfur féll til jarðar á Ítalíu

BBC greinir frá því að bresk kona að nafni Margaret Elaine Winn hafi látist í slysinu auk annars Breta sem hefur ekki verið nafngreindur.

Þá lést hinn 59 ára gamli Carmine Parlato sem stýrði kláfnum og ísraelsk kona, Janan Suliman. Bróðir hennar slasaðist alvarlega í slysinu. 

Bjarga þurfti 16 manns úr öðrum kláfi sem hékk á sömu línu en var neðar í dalnum. 

Að sögn rekstraraðila kláfsins stóðst hann öryggisprófanir fyrir tveimur vikum og hefur því lögregla hafið rannsókn á tildrögum slyssins.

Fjórir létust í slysinu. AFP

• Blogga um frétt