Fimm drukknað í öldugangi í Ástralíu

Fimm drukknuðu eftir að risastórar öldur skullu á austurhluta Ástralíu. Tveggja er enn saknað.

BBC greinir frá því að í dag fannst lík karlmanns í sjónum í Nýja-Suður-Wales. Í sama fylki fundust 58 ára sjómaður og tveir aðrir karlmenn í sitthvoru tilfellinu í gær.

Þá drukknaði kona og annar karlmaður hvarf í Viktoríu-fylki.

Viðbragðsaðilar leita einnig manns sem hvarf nærri Sydney. 

Jacinta Allan, fylkisstjóri í Viktoríu, sagði að um væri að ræða „hræðilega byrjun“ á páskahelginni. 

„Hugur minn er hjá fjölskyldum þeirra sem hafa látið lífið í þessum hryllilegu aðstæðum, og mögulega eru fleiri vondar fréttir á leiðinni.“

Austurhluti Ástralíu hefur þurft að glíma við hættulegar öldur undanfarið. 

• Blogga um frétt