Halla Tómasdóttir forseti Íslands minnist Frans páfa í færslu á samfélagsmiðlum í dag og segir heiminn hafa misst mikilvægan leiðtoga.

Athygli vekur að Halla kallar páfa „Pope Francis“ en notar ekki íslenskt heiti hans, Frans páfi. 

Frans páfi lést í morgun 88 ára að aldri og hafa leiðtogar minnst hans um allan heim í dag.

„Ég deili einlægum samúðarkveðjum vegna fráfalls Pope Francis. Heimurinn hefur misst mikilvægan leiðtoga sem hafði kærleika og umhyggju fyrir þeim sem minnst mega sín ávallt í fyrirrúmi og hvatti til ábyrgrar forystu. Megi þær áherslur lifa áfram í verkum okkar allra,“ skrifar Halla.

Frans páfi var fædd­ur Jor­ge Bergoglio og var kardí­náli frá Arg­entínu þegar hann var kos­inn páfi kaþólsku kirkj­unn­ar 13. mars 2013 og tók hann sér þá nafnið Frans.

Tók hann þá við embætt­inu af Bene­dikt XVI. páfa, sem lýsti því óvænt yfir 11. fe­brú­ar sama ár að hann ætlaði að láta af embætti.

Frans er eini páfinn sem hef­ur komið frá S-Am­er­íku. Hann var erki­bisk­up í Bu­enos Aires í Arg­entínu frá 1998. Hann varð kardí­náli árið 2001.

Var hann af ít­ölsk­um ætt­um, en faðir hans flutti frá Ítal­íu til Arg­entínu snemma á síðustu öld.

Frans var einn af þeim sem komu sterk­lega til greina sem eft­ir­maður Jó­hann­es­ar Páls II. árið 2005. Þá var Joseph Ratz­in­ger fyr­ir val­inu.

Tengdar fréttir

Andlát Frans páfa

„Mjög góður maður, mjög hlédrægur“

• Fagnar reynslumiklum páfa
• Nýr páfi er frá Bandaríkjunum
• Hvítur reykur berst: Nýr páfi
• Kardínálaþingið hefst 7. maí

» Fleiri tengdar fréttir

• Blogga um frétt