Árásarmaðurinn bölvaði „vistmorð“ í stefnuyfirlýsingu

Árásarmaðurinn sem drap samnemanda sinn og særði þrjá til viðbótar í skóla í Frakklandi í dag gaf út stefnuyfirlýsingu skömmu fyrir árásina.

Ein stúlka er lát­in og að minnsta kosti þrír særðir eft­ir hnífstungu í Notre Dame de Tou­tes Ai­des-mennta­skól­an­um í Nan­tes. Skól­inn var rýmd­ur.

Árás­armaður­inn, sem er 15 ára gam­all nemandi við skólann, var hand­tek­inn á vett­vangi eft­ir að hafa verið yfirbugaður af kenn­ara í skól­an­um. 

Ásetningur árásarmannsins er óljós. Le monde greinir frá því að pilturinn hafi gefið út 13 síðna stefnuyfirlýsingu á innri vef skólans þar sem því er lýst hvernig „hnattvæðing“ hafi „umbreytt kerfinu okkar í vél fyrir rotnandi mannverur“.

Í yfirlýsingunni er kallað eftir „lífrænni uppreisn“ svo að „jafnvægi náttúrunnar“ geti endurheimt stöðu sína gegn „hnattvædda vistmorðinu“. Óljóst er hvort hann hafi skrifað yfirlýsinguna sjálfur.

Frétt af mbl.is

Einn látinn og þrír særðir eftir hnífstunguárás

• Blogga um frétt