Hvetur Pútín til að hætta að ljúga
Setja bókamerki
Tengdar fréttir
Úkraína
Emmanuel Macron, forseti Frakklands, segir að rússneski starfsbróðir hans, Vladimír Pútin, þurfi að hætta að ljúga um að vilja frið í Úkraínu á meðan hann heldur áfram árásum á landið.
Rússar gerðu stórfelldar eldflaugaárásir á Kænugarð, höfuðborg Úkraínu í nótt, þar sem að minnsta kosti níu létust og um 80 særðust. Þetta er ein mannskæðasta árás á Kænugarð frá upphafi stríðsins.
„Það eina sem Pútín þarf að gera er að hætta að ljúga,“ sagði Macron sem er í heimsókn í Madagaskar.
Hann sakaði Pútín um að hafa sagt bandarískum samningamönnum að hann vilji frið en haldi áfram sprengjuárásum á Úkraínu.
„Í Úkraínu vilja þeir aðeins einfalt svar: Samþykkir Pútín skilyrðislaust vopnahlé,“ sagði Macron.
Hann staðfesti þá opinberu afstöðu Frakka að ábyrgðin á því að skapa frið í Úkraínu sé eingöngu hjá Rússlandsforseta.
Tengdar fréttir
Úkraína
Hopp-hjólin fara hálfa leið um hnöttinn á dag
Litlu munaði að hitamet maímánaðar frá 1960 félli
Drapst af völdum hitaslags
Sýn vill aukinn ríkisstyrk og almannaþjónustuhlutverk
Slæmt að hafa ábyrgð en engin völd
Svalara loft í augsýn
Þvagi og saur daglega slett á fangaverði
Lausar lóðir í þjóðlendunum