Rússland og Úkraína „mjög nálægt samkomulagi“
Setja bókamerki
Forseti Bandaríkjanna, Donald Trump, segir að Rússland og Úkraína séu „mjög nálægt“ vopnahléssamkomulagi og hvetur stríðandi fylkingar til að hittast og ganga frá því formlega.
„Góður dagur í viðræðum og fundum með Rússlandi og Úkraínu. Þær [þjóðirnar] eru mjög nálægt samkomulagi,” skrifaði Trump á Truth Social og bætti við að háttsettir embættismenn beggja ríkja ættu að hittast „til að klára málið.“
Rússland og Úkraína hafa ekki átt í beinum viðræðum um átökin síðan þau hófust í febrúar 2022 en Bandaríkin eiga í viðræðum við báða aðila hvor í sínu lagi í tilraun til að binda endi á átökin.
Ekki sammála um Krímskaga
Steve Witkoff, erindreki Hvíta hússins sem fer fyrir samninganefnd Bandaríkjamanna, fundaði í dag með Vladimír Pútín í þrjá klukkutíma þar sem mögulegt vopnahlé bar á góma.
Trump sagði í viðtali við TIME tímaritið í dag: „Krímskagi mun vera áfram undir stjórn Rússa og Selenskí skilur það.“
Í kjölfarið var Volodimír Selenskí Úkraínuforseti spurður út í þessi ummæli en hann ítrekaði að Krímskaginn, sem Rússar hernámu árið 2014, væri í eigu Úkraínu.
Telur verndartolla njóta stuðnings
„Ég er ógeðslega glaður“
Ég vissi að pabbi væri farinn
Vara við aukinni hættu á gróðureldum
Hafnar öllu tali um að hafa haft áhrif á útboðið
Afslátturinn virðist ekki skipta máli að mati ráðherra
Hjúkrunarheimili í stað höfuðstöðva Icelandair