„Ég myndi því fara mjög varlega“

Enginn vafi leikur á því að stjórnvöld í Bandaríkjunum eru með svarta lista um nemendur sem ekki eru yfirvöldum þóknanlegir að mati Friðjóns R. Friðjónssonar, borgarfulltrúa og áhugamanns um bandarísk stjórnmál.

Sögur berast af því að alþjóðlegir nemendur í Bandaríkjunum óttist um stöðu sína og í frétt Wall Street Journal frá því í gær segir að alþjóðlegir nemendur séu að beita sér fyrir því að skoðanapistlum og öðru sem þeir hafa látið frá sér verði eytt áður en stjórnvöld komast á snoðir um þá.

Steinn Jóhannsson, fyrrum kennari í bandarískum stjórnmálum og Friðjón ræddu við Dagmál mbl.is um aðför Trump-stjórnarinnar að elítu-háskólum í Bandaríkjunum. 

Völd innflytjendaeftirlitsins mikil 

„Fólk þarf að fara miklu varlegar núna, bæði þegar það er í háskóla í Bandaríkjunum og þegar fólk er að koma á grundvelli atvinnuleyfis. Fólk þarf að sýna símana sína og það getur verið farið í gegnum samfélagsmiðla, hvernig þú hefur tjáð þig og deilt myndum. Völd innflytjendaeftirlitsins eru gríðarlega mikil og það hefur enginn lögvarin réttindi til að fara inn í landið. Eftirlitið getur því stoppað þig, haldið þér og snúið þér til baka ef þeim líkar ekki eitthvað sem þú hefur sagt eða gert. Ég myndi fara mjög varlega,“ segir Friðjón.

Atlaga Trump-stjórnarinnar minni á aðferðir McCarty

• Blogga um frétt