Á þriðja tug lét­ust og fjöl­marg­ir særðust í spreng­ingu við gáma­höfn í borg­inni Band­ar Abbas í Íran í gær.

Í kjöl­far spreng­ing­ar­inn­ar kviknaði eld­ur og hon­um fylgdi mik­ill reyk­ur. Skól­ar og skrif­stof­ur í allt að 23 kíló­metra fjar­lægð eru lokuð vegna spengingarinnar.

Nú nemur fjöldi látinna að minnsta kosti 25, að sögn fjölmiðilsins Tasnim sem hefur þetta eftir yfirvöldum á svæðinu.

Frétt af mbl.is

Átta látnir eftir sprengingu

Óljóst er hvað olli sprenginunni. AFP/Rauði hálfmáninn í Íran

Eldur geisar enn á svæðinu og talið er að hætta sé á því að hann breiðist enn frekar út. Mikill viðbúnaður er á staðnum. Ekki ligg­ur ljóst fyr­ir hvað olli spreng­ing­unni.

Masoud Pezes­hki­an, for­seti Írans, vottaði í gær fjöl­skyld­um fórn­ar­lambanna samúð sína. Hann og Esk­and­ar Momeni inn­an­rík­is­ráðherra munu heim­sækja svæðið.

Að sögn for­set­ans særðust hið minnsta 750 manns.

Vinnu­vik­an í Íran hefst á laug­ar­dög­um, því voru fjöl­marg­ir starfs­menn á svæðinu. Höfn­in sem um ræðir heit­ir Shahid Raja­ee, hún er staðsett ná­lægt Horm­uz-sundi þar sem olíu­fram­leiðsla fer fram.

Tengdar fréttir

Íran

Óbeinar viðræður um kjarnorkuáætlun hafnar

• Beiting hervalds gæti orðið óhjákvæmileg
• „Mjög stór fundur“ bókaður með Írönum
• Rak varaforsetann fyrir ferð til Suðurskautslandsins
• Íranir, Rússar og Kínverjar saman á heræfingum

» Fleiri tengdar fréttir

• Blogga um frétt