Kína hefur hvatt Indland og Pakistan til að sýna stillingu í átökum sínum í Kasmír-héraði. Spennan á milli landanna hefur aukist til muna í kjölfar hryðjuverkaárásar þar sem 26 manns létu lífið í héraðinu.

Þetta segir Guo Jiakun, talsmaður kínverska utanríkisráðuneytisins.

Frétt af mbl.is

Fjöldamorð framin á Indlandi

Skothríð fjórða daginn í röð

Ummælin koma í kjölfar þess að indverski herinn greindi frá skothríð á milli hermanna Indlands og Pakistan í héraðinu og er það fjórða daginn í röð sem til átaka kemur.

„Kína vonast til þess að báðir aðilar sýni stillingu, mætist á miðri leið, taki á viðkomandi ágreiningi með samræðum og samráði og viðhaldi sameiginlegum friði og stöðugleika á svæðinu,“ segir Jiakun.

Frétt af mbl.is

Kjarnorkuvopnunum „miðað á Indland“

Spennan aukist 

Hryðjuverkaárásin var í Pahalgam, sem er vinsælt ferðamannasvæði í suðurhluta Kasmír-héraðsins, sem lýtur indverskri stjórn á meðan norðurhluti Kasmír tilheyrir Pakistan.

Að sögn vitna komu árásarmennirnir úr nærliggjandi skógi og skutu með sjálfvirkum vopnum. Þeir aðskildu karla frá konum og börnum, og var karlmönnunum skipað að fara með trúarjátningu múslima. Þeir sem það gátu ekki voru teknir af lífi.

Indversk stjórnvöld hafa kennt Pakistan um árásina, sem aftur á móti hefur hafnað ásökununum.

Spennan hefur aukist gríðarlega á milli landanna síðan árásin var gerð. Greint hefur verið frá að Ind­land virðist vera að und­ir­búa mál­flutn­ing fyr­ir mögu­leg­ar hernaðaraðgerðir gegn ná­granna sín­um.

Þá hefur innviðaráðherra Pakistans, Hanif Abbasi, sagt að öllum lang­dræg­um eld­flaug­um Pak­ist­ans, sem bera kjarn­orku­sprengj­urn­ar, væri „miðað á Ind­land“.

Frétt af mbl.is

„Stríðsaðgerð“ sem verði svarað af fullum þunga

Tengdar fréttir

Indland/Pakistan

Fyrsta friðsama nóttin í tæpa viku

• Indverjar hefna sín á meintum brotum Pakistana
• Pakistanar strax sakaðir um að rjúfa vopnahlé
• Vopnahlé á milli Indlands og Pakistans
• Skiptast á eldflaugaárásum

» Fleiri tengdar fréttir

• Blogga um frétt