Pútín boðar óvænt vopnahlé í Úkraínu
Setja bókamerki
Tengdar fréttir
Úkraína
Vladimír Pútín Rússlandsforseti hefur boðað óvænt þriggja daga vopnahlé dagana 8. til 10. maí, samhliða minningardegi síðari heimsstyrjaldarinnar í Moskvu.
Stjórnvöld í Kreml hafa þó gefið út að ætlast sé til þess að stjórnvöld í Kænugarði gefi út sömu skipun til sinna herliða. Rússar séu reiðubúnir að bregðast við öllum mögulegum brotum á vopnahlénu.
Skipun Pútíns um að stöðva bardaga yfir páskana leiddi til tímabundinnar fækkunar bardaga þó að báðir aðilar hafi sakað hvern annan um ótal brot á vopnahlénu.
Vopnahlé 8.-10. maí
„Rússneska hliðin lýsir yfir vopnahléi á 80 ára afmæli sigurdags, frá miðnætti 7.-8. maí til miðnættis 10.-11. maí. Allar bardagaaðgerðir verða stöðvaðar á þessu tímabili,“ sagði í yfirlýsingu frá stjórnvöldum í Kreml.
„Rússar telja að úkraínska hliðin ætti að fylgja þessu fordæmi. Komi til brota á vopnahléinu af hálfu Úkraínu, mun rússneski herinn bregðast við á viðeigandi hátt.“
Pútín hafnaði í síðasta mánuði tillögu Bandaríkjanna um skilyrðislaust 30 daga vopnahlé sem Úkraína hafði samþykkt.
Stjórnvöld í Kænugarði og evrópskir stuðningsmenn sökuðu Pútín um að hafa lýst yfir 30 tíma páskavopnahléi sem PR-æfingu og sögðu hann ekki vilja ná fram friði.
Tengdar fréttir
Úkraína
„Alvarlegar afleiðingar fyrir veik börn“
Boðar tafarlausar vopnahlésviðræður
Stýrivextir lækkaðir um 0,25 prósentustig
Setja niður kartöflur þremur vikum fyrr
Sumarstarfsmaður á Þingvöllum
Miðbærinn eyðilagður fyrir litlum verslunarmönnum
Þórsmörk og Goðaland yrðu allt annað svæði