Fullyrt er að „sjaldgæft loftslagsfyrirbrigði“ hafi valdið rafmagnsleysinu sem varð á Spáni og í Portúgal fyrr í dag.

Sky News greinir frá.

Segir þar að fullyrðingin komi frá stjórnendum portúgalska raforkukerfisins, REN.

„Óeðlilegar sveiflur“ vegna öfgakenndra hitabreytinga

Samkvæmt REN urðu „óeðlilegar sveiflur“ í háspennulínum vegna öfgakenndra hitabreytinga á Spáni sem leiddu til ósamstillingar á milli raforkukerfa.

REN segir fyrirbærið þekkt sem „loftlagsháðan breytileika“.

Þá varð keðjuverkun á truflununum á milli tengdra raforkukerfa í Evrópu.

Bætir fyrirtækið við að vegna flækjustigs málsins gæti tekið allt að eina viku að koma kerfinu í eðlilegt horf.

Tengdar fréttir

Víðtækt rafmagnsleysi á Spáni og í Portúgal

Fleiri daga þarf til að greina orsök rafmagnsleysisins

• Rafmagnsleysið hafði áhrif á Grænlendinga
• Hlaupabrettið snarstoppaði þegar rafmagnið sló út
• Dró fingur eftir hálsi sér
• „Samfélögin fóru aftur til miðalda á augabragði“

» Fleiri tengdar fréttir

• Blogga um frétt