Stórbruni í London

Mikill eldur blossaði upp í rafveitustöð í vesturhluta London í morgun og vinna 100 slökkviliðsmenn að því að ráða niðurlögum eldsins á Aberdeen Place í Maida Vale.

Þá kviknaði eldur í nærliggjandi í íbúðarhúsi en tilkynnt var um eldsvoðann klukkan hálf sex í morgun. Fimmtán slökkviliðsbílar komu á staðinn og hefur íbúum á nærliggjandi svæðum verið bent á að halda gluggum og hurðum lokuðum þar sem mikill reykur er á svæðinu.

Yfirmaður slökkviliðs- og björgunarstöðvarinnar, Paul Morgan, sem er á staðnum segir við Evening Standard að eldurinn sé mjög sýnilegur og mikill reykur. Óljóst er hvað olli eldsvoðanum en ekki hefur verið tilkynnt um slys á fólki en 80 hafa verið fluttir frá heimilum sínum.

• Blogga um frétt