Að minnsta kosti þrír eru látnir eftir skotárás við hársnyrtistofu í Uppsölum í Svíþjóð fyrr í dag. Lögreglan leitar nú að byssumanninum, sem er sagður hafa flúið af vett­vangi á rafhlaupa­hjóli.

Lögreglan staðfestir að þrír séu látnir, samkvæmt umfjöllun sænska ríkisútvarpsins. Ekkert hef­ur verið gefið út um hversu marg­ir eru særðir.

Þrír eru látnir í skotárás í Uppsölum, staðfestir lögreglan. AFP

Fyrr í dag var greint frá stórri lög­regluaðgerð við Vaksala-torg í miðborg Upp­sala eft­ir að tilkynn­ing­ar bár­ust um skot­hvelli í hverf­inu upp úr klukkan 17 að staðartíma, eða 15 að íslenskum.

Frétt af mbl.is

Fólk sagt látið eftir skotárás í Uppsölum

Skotárás­in tengist hársnyrtistofu við torgið, að sögn Aftonbladet.

Lög­regl­an hef­ur lokað stóru svæði í miðborg­inni. Fjöldi vitna hef­ur lýst há­vær­um skot­hvell­um að sögn upp­lýs­inga­full­trúa lög­regl­unn­ar.

Vitni á vett­vangi lýsa at­b­urðunum sem skelfi­leg­um. „Ég heyrði fimm skot. Síðan sá ég fólk hlaupa í all­ar átt­ir og fela sig,“ seg­ir ónafngreint vitni í sam­tali við SVT.

„Þetta er mjög alvarlegt atvik,“ hefur Aftonbladet eftir Magnus Jansson Klarin lögreglufulltrúa. Lög­regla vinn­ur nú að því að tryggja ör­yggi á svæðinu. 

Á morgun halda Svíar upp á Valborgarmessu, sem er haldin aðfarakvöld 1. maí til heiðurs heilagri Valborgu.

Sá sem hleypti af skotunum er sagður hafa flúið vettvang við Vaksala-torg á rafhlaupahjóli. AFP

Tengdar fréttir

Óöld í Svíþjóð

Þungt haldinn og grunaður um að myrða kærustu sína

• Kona látin eftir alvarlegan glæp: Einn handtekinn
• Stór lögregluaðgerð í Svíþjóð
• Ungmenni skotið í Svíþjóð
• Þrír handteknir og drengnum sleppt

» Fleiri tengdar fréttir

• Blogga um frétt