Ákvörðunin „þungt högg fyrir lýðræðið“

Leiðtogar þýska þjóðernisflokksins AfD (Alternati­ve für Deutsch­land) gagnrýna harðlega þá ákvörðun leyniþjónustu landsins að skilgreina flokkinn sem öfgahægrihreyfingu, líkt og greint var frá í morgun.

Í yfirlýsingu sem flokksleiðtogarnir Alice Weidel og Tino Chrupalla, sendu frá sér sögðu þeir að ákvörðunin væri „þungt högg fyrir lýðræðið“ og að flokkurinn myndi leita réttar síns.

„Nú er opinberlega búið að sverta AfD sem stjórnarandstöðuflokk og við látin líta út fyrir að vera glæpasamtök,“ sögðu þeir í sameiginlegri yfirlýsingu og bættu við að þessi ákvörðun væri „augljóslega pólitískt drifin“.

Frétt af mbl.is

AfD skilgreindur sem öfgahópur

Fá auknar heimildir til að fylgjast með

Í tilkynningu frá þýsku leyniþjónustunni segir að AfD vanvirði ákveðna þjóðfélagshópa í Þýskalandi og brjóti gegn mannlegri reisn þeirra. Þá var bent á fjandsamlegt viðhorf flokksins gagnvart innflytjendum og mótmælendum.

Með skil­grein­ing­unni fá yf­ir­völd aukn­ar heim­ild­ir til þess að fylgj­ast með starf­semi hans t.a.m. með síma­hler­un­um og notk­un upp­ljóstr­ara.

• Blogga um frétt