Aflýsa ferðum eftir kyrrsetningu Boeing 787 véla

Hollenska flugfélagið KLM aflýsti tveimur flugferðum í dag eftir að hafa kyrrsett tvær Boeing 787 vélar vegna tæknilegra vandamála. 

Vélarnar áttu að fljúga til Sjanghaí í Kína og Los Angeles í Bandaríkjunum. Í gær var þremur ferðum til Mexíkó og Bandaríkjunum aflýst af sömu ástæðum. 

Flugfélagið tók ákvörðunina um að kyrrsetja vélarnar eftir að viðhald leiddi í ljós vandamál á eldsneytisáfyllingarbúnað flugvélanna.

24 Boeing 787 eru í flota KLM og eru þær að mestu notaðar til langra flugferða. 

• Blogga um frétt