„Nokkra daga til viðbótar“ þarf til að greina hvað olli rafmagnsleysi á Íberíuskaga á mánudag, að sögn spænskra yfirvalda. 

Sara Aagesen umhverfismálaráðherra sagði í samtali við spænska fjölmiðilinn El Pais að „allar tilgátur“ væru til skoðunar, meðal annars möguleg netárás. For­svars­menn spænska raf­orku­kerf­is­ins úti­lokuðu fljótlega að um netárás hefði verið að ræða. 

Frétt af mbl.is

Spánverjar útiloka netárás á raforkukerfið

Aagesen sagði að verið væri að skoða hvort að nýjar sólarsellur sem komið var fyrir í suðurhluta Spánar hefðu getað valdið ójafnvægi í raforkukerfinu. Raforkufyrirtækið Red Electrica hefur nefnt það sem mögulega ástæðu. 

„Við vitum að þær hættu að virka í rafmagnsleysinu,“ sagði hún og bætti við fyrirvara um að óábyrgt væri þó að kenna endurnýjanlegum orkugjöfum um atvikið. 

Sara Aagesen umhverfismálaráðherra. AFP

Rafmagnsleysið lamaði algjörlega samfélag Spánar. Síma- og netsambandi sló út, lestarkerfið lá niðri og hundruð manna festust í lyftum. 

Sérfræðingar hafa velt því fyrir sér hvort jafnvægi á milli framboðs og eftirspurnar í raforkukerfinu hafi raskast. 

Aagesen sagði að Spánn hefði lengi notast við endurnýjanlega orkugjafa og hafnaði þeirri kenningu að „of mikið magn endurnýjanlegrar orku“ hefði valdið rafmagnsleysinu.

Tengdar fréttir

Víðtækt rafmagnsleysi á Spáni og í Portúgal

Rafmagnsleysið hafði áhrif á Grænlendinga

• Hlaupabrettið snarstoppaði þegar rafmagnið sló út
• Dró fingur eftir hálsi sér
• „Samfélögin fóru aftur til miðalda á augabragði“
• „Þetta var ógeðslegt“

» Fleiri tengdar fréttir

• Blogga um frétt