Sprengingar á flugvelli í Kasmír-héraði

Háværar sprengingar heyrðust koma frá flugvelli við Jammu-borg í Kasmír-héraði. Völlurinn tilheyrir því svæði sem Indverjar ráða yfir í héraðinu.

Fyrrverandi lögreglustjóri í Jammu-borg og Kasmír-héraði, Shesh Paul Vaid, ritaði „háværar sprengingar“ á samfélagsmiðla.

Heimildarmaður AFP-fréttaveitunnar sagðist ekki geta staðfest hvað hefði orsakað sprenginguna. Þá gat hann ekki staðfest að þær tengdust stigmögnun átaka milli Pakistans og Indlands.

Frétt af mbl.is

Tugir fallnir í árásum Indverja og Pakistana

Hvetja ríkin til að draga úr spennu

Fjöldi þjóða hefur lýst áhyggjum vegna þeirra stöðu sem upp er komin í átökunum milli Indlands og Pakistans.

Evrópusambandið hefur hvatt ríkin til að grípa til tafarlausra aðgerða til að draga úr spennu þeirra á milli.

Tyrknesk yfirvöld hafa varað við mögulegu allsherjarstríði á milli þjóðanna eftir að Indland gerði flugskeytaárásir á Pakistan á þriðjudag. Pakistanar svöruðu með árásum á indverska hluta Kasmír-héraðs.

Frétt af mbl.is

Alþjóðasamfélagið hefur þungar áhyggjur

• Blogga um frétt